Decleraziun davart la protecziun da datas (Impressum)
Impressum
Chanzlia federala
Transfurmaziun digitala e direcziun da las TIC
Monbijoustrasse 91
CH-3003 Berna
Servetsch d'autentisaziun da las autoritads svizras AGOV
Sche Vus utilisais il Servetsch d'autentisaziun da las autoritads svizras AGOV (en quai che suonda: AGOV), elavura quel datas che sa refereschan a Vossa persuna. L'elavuraziun ha las suandantas basas giuridicas:
Ordinaziun davart ils sistems da gestiun da las datas d'identificaziun ed ils servetschs directory da la Confederaziun
(IAMV, SR 172.010.59)
https://www.fedlex.admin.ch/eli/cc/2016/610/de (tudestg)
Regla ils sistems da gestiun da las datas d'identificaziun (sistems IAM), ils servetschs da directory e l'archiv centralisà da las identitads da l'administraziun federala.
Ordinaziun davart il tractament da datas persunalas e da datas da persunas giuridicas che derivan da l'utilisaziun da l'infrastructura electronica da la Confederaziun
(VBNIB, CS 172.010.442)
https://www.fedlex.admin.ch/eli/cc/2012/160/de (tudestg)
Regla il tractament da las datas persunalas er concernent ils servetschs da standard (tranter quels il servetsch eIAM che cumpiglia er AGOV).
Responsabel per l'elavuraziun da datas persunalas tras AGOV, che vegn descritta en questa decleraziun davart la protecziun da datas, è il Sectur TDT da la Chanzlia federala, Monbijoustrasse 91, 3003 Berna.
Vossas datas persunalas vegnan elavuradas tras AGOV per ademplir ils intents dal servetsch, en spezial per:
- generar u preparar ina identitad electronica en AGOV per l'utilisar per Voss access ad applicaziuns colliadas da la Confederaziun, dals chantuns u da las vischnancas;
- metter a disposiziun in proceder d'autentisaziun a maun da l'identitad per AGOV per Voss access ad ina applicaziun colliada da la Confederaziun, dals chantuns u da las vischnancas;
- metter a disposiziun in proceder d'autentisaziun a maun d'identitads, che Vus avais generà tar auters providers d'identitads ch'èn renconuschids dad AGOV, per Voss access ad applicaziuns colliadas da la Confederaziun, dals chantuns u da las vischnancas;
- protocollar autentificaziuns en il rom da las prescripziuns giuridicas.
Per ils intents numnads qua survart pon las datas persunalas vegnir communitgadas a las applicaziuns colliadas da las autoritads svizras (Confederaziun, chantuns e vischnancas).
Las datas persunalas vegnan arcunadas tenor las basas giuridicas menziunadas qua survart, e quai mo uschenavant ed uschè ditg, ch'ellas vegnan duvradas per ils intents menziunads u ch'igl è inditgà e necessari sin basa da las prescripziuns giuridicas.
Il tractament da las datas persunalas tras las applicaziuns colliadas dals chantuns e da las vischnancas è reglà en il dretg chantunal e/u communal.
En ils proceders d'elavuraziun da datas descrits qua survart pon esser involvidas – tut tenor la qualitad da l'examinaziun da Vossa identitad – las suandantas datas:
- Vossas indicaziuns dal num
- Vossa data e Voss lieu da naschientscha
- Vossa schlattaina
- Vossa naziunalitad
- Voss numer da la AVS
- Vossa adressa postala
- Vossas indicaziuns davart elements d'adressaziun, sco e-mail e numer da telefon
Laschai examinar Vossa identitad per AGOV en l'uschenumnada procedura BVI (brev cun verificaziun da l'identitad) tras la Posta Svizra u tras il servetsch d'identificaziun da video da la firma Intrum. Quests posts elavuran ordavant las datas che sa refereschan a Vossa persuna e las transmettan ad AGOV, nua ch'ellas vegnan arcunadas.
Sche Vus avris en il portal d'agid dad AGOV in ticket da support, na vegnan surpigliadas naginas datas dad AGOV. Vus survegnis la dumonda d'inditgar sezza u sez tut las datas. Questas datas èn accessiblas als posts da support AGOV da la Confederaziun, dals chantuns e da las vischnancas.
AGOV elavura datas persunalas che las persunas pertutgadas han communitgà ad AGOV sco er talas, che vegnan transmessas ad AGOV tras providers d'identitad consultads da las persunas pertutgadas.
Per l'elavuraziun da datas engascha AGOV – sche necessari ed observond il rom giuridic – furniturs da servetschs dad IT ordaifer l'administraziun federala.
Per proteger l'applicaziun da la web AGOV d'acziuns automatisadas nizzegia la Confederaziun ils servetschs da Friendly Captcha (tudestg).
Infurmaziuns davart la sfera privata chattais Vus sut (tudestg): Disposizioni sulla protezione dei dati per gli utenti finali.
Las persunas pertutgadas han il dretg da dumandar, sche lur datas persunalas vegnan elavuradas. La dumonda sto vegnir drizzada als posts ch'èn cumpetents per l’elavuraziun da datas e che vegnan menziunads qua survart.
Dal rest vala per la AGOV la decleraziun generala davart la protecziun da datas per las paginas d’internet da la Confederaziun: Infurmaziuns giuridicas (admin.ch).