Midar al cuntegn principal

AGOV - Voss login administrativ

AGOV è il login administrativ en Svizra. Vus pudais duvrar il login per la Confederaziun sco er per las autoritads chantunalas e communalas, per exempel sche Vus vulais far Vossa decleraziun da taglia. Grazia a novas tecnologias na duvrais Vus nagin pled-clav pli sin AGOV. Quai è pli segir e pli cumadaivel che cun in pled-clav. AGOV è in servetsch da la Confederaziun ch'è disponibel sin las primas applicaziuns da las autoritads a partir dal 2024.

Fotografia d’in laptop cun la mascra da registraziun AGOV e cun la mascra da login AGOV me

Contribuziuns da blog

Blog simbol per diversas chaussas: maletg d’in plaz da lavur segirà cun ina fanestra l’applicaziun averta.

24 avrigl 2024

Il chantun Lucerna lantscha my.lu.ch cun ina AGOV

Il nov chanal da communicaziun supplementar my.lu.ch stat a disposiziun a partir d'immediat per la populaziun e per las interpresas. → Communicaziun per las medias (tudestg)

Blog simbol per autoritads: carta da la Svizra cun Chasa federala ed autoritads, documents

8 favrer 2024

Test d’accessibladad ad AGOV cun la Federaziun svizra da las persunas tschorvas

Las utilisadras ed ils utilisaders finals ch’èn tschorvs u che han in impediment da la vesida pon duvrar AGOV senza barrieras. La Chanzlia federala svizra ha laschà testar AGOV da la Federaziun svizra da las persunas tschorvas. Ina da las duas persunas da test era tschorva e l’autra aveva in impediment da la vesida. Omaduas persunas han pudì duvrar AGOV senza barrieras, q.v.d. ils cuntegns dad AGOV èn vegnids reproducids correctamain sin il screenreader e sin il display da Braille. Er l’access senza barrieras a l’app dad AGOV è garantì, damai ch’ils sistems operativs Android ed iOS èn vegnids optimads en quest reguard. La persuna da test tschorva ha constatà ch’il diever d’ina clav da segirezza fisica (stick USB FIDO) è per ella pli pratitgabel ch’il diever da l‘app dad AGOV. Cun l’app sto il code QR numnadamain vegnir scannà sin il monitur a bun gartetg (bleras persunas tschorvas che dovran l’internet, n’han nagin monitur resp. na tschentan betg en quel). AGOV cuntegna uss in avis correspundent ch'ils screenreaders legian avant en moda prominenta.

Blog simbol per diversas chaussas: maletg d’in smartphone, nivlettas e roda che descriva in process.

11 schaner 2024

Il nov login administrativ vegn testà en dus chantuns da pilot

Il servetsch d’autentificaziun da las autoritads svizras (AGOV) ha cumenzà oz ses manaschi operativ en dus chantuns da pilot. Cun il login administrativ unitar vegn simplifitgà il traffic electronic cun las autoritads da la Confederaziun, dals chantuns e da las vischnancas. En ils chantuns Turitg ed Appenzell Dador po uschia il login dad AGOV per exempel vegnir duvrà per acceder en moda svelta e simpla a la decleraziun da taglia electronica. Er l’identitad electronica statala planisada (e-ID) vegn colliada cun il login dad AGOV. AGOV fa part da l’agenda Administraziun digitala Svizra (ADS).https://www.bj.admin.ch/bj/de/home/aktuell/mm.msg-id-99665.html