Publitgà sin il 2 avrigl 2026

Moduls AGOV

L’ecosistem AGOV consista da moduls AGOV, sistems circumdants e sistems da destinaziun.

A. Utilisaders finals pon s’annunziar via AGOV en tuttas applicaziuns da destinaziun davosvart cun agid da l’e-ID e/u da la AGOV Access App. Ina excepziun exista sche l’applicaziun pretenda AGOVaq 500 u 600: en quest cas sto l’e-ID vegnir preschentada directamain sco credenzial da login via AGOV al mument da l’annunzia; l’opziun AGOV Access App vegn zuppada. En il cas AGOVaq 500 «fluescha» l’e-ID tras in conto AGOV (existent u gist generà automaticamain), ed il token SAML/OIDC resultant vegn enrichì cun datas che mancan en l’e-ID (per exempel l’adressa e-mail e l’adressa postala). En il cas AGOVaq 600 na fluescha l’e-ID betg tras in conto AGOV, mabain vegn transmesa directamain a l’applicaziun da destinaziun (tras AGOV transfurmada en SAML u OIDC). Quai maina ad ina traceability fitg limitada ed ad ina reducziun a las datas che stattan a disposiziun en l’e-ID. Damai che il cas AGOVaq 600 na vegn duvrà ni per l’OGReg ni per l’EPD (quests sa basan sin AGOVaq 500), vegn spetgà cun sia implementaziun fin ch’i dat in basegn concret. Resumaziun: En ils cas AGOVaq 100 fin 500 è l’e-ID ina colliada da credenzials cun in conto AGOV; en il cas AGOVaq 600 na vala quai betg. - B. Ultra da quai funcziunescha l’e-ID en AGOV sco metoda supplementara da verificaziun d’identitad, parallela a Videoident/Autoident (Intrum), BmID (Posta) e controllas al spurtegl (chantuns). A lunga vista duai ella vegnir la suletta metoda per persunas cun documents svizzers (finamira: nagins custs per verificaziuns d’identitad; premissa: legalitad, anc da definir). Quai vul dir che cun l’e-ID po ina persuna elevar ses login AGOV sin AGOVaq 400 e, a partir da quel mument, s’annunziar sin quest nivel cun la AGOV Access App (ed evidentamain er directamain cun l’e-ID). Tar l’utilisaziun directa da l’e-ID vala per tut ils nivels AGOVaq che nagin augment da nivel («elevar il nivel ») è necessari.

Sutvart chattais Vus la glista cumpletta dals moduls AGOV sco er lur status da publicaziun tenor art. 9 LMeCA:

1. AGOV Identity Provider

Quest modul administrescha las datas dals utilisaders e la colliaziun cun ils factors d’autentificaziun dals utilisaders. L’AGOV Identity Provider è il product Nevis, dal qual nus na disponin betg dal code da funtauna (betg proprietad da la Confederaziun).

2. AGOV Trustbroker

Quest modul intermediescha tranter l’AGOV Identity Provider ed ils sistems da destinaziun AGOV. Tecnicamain sa tracti d’ina federaziun cun ils protocols da federaziun OIDC e SAML.

• Status: Publicà
• Num dal software: trustbroker.swiss
• Lieu: catalog OSS https://www.opensource.admin.ch

3. AGOV Access App

Actualmain vegn utilisà sco AGOV Access App il product Nevis Access App, dal qual il code da funtauna na po betg vegnir publicà (betg proprietad da la Confederaziun Svizra). Durant l’onn 2026 vegn sviluppada ina soluziun atgna enturn il coc da la Nevis Access App, dal qual il code da funtauna vegn publicà.

• Stato: Sarà pubblicato entro fine 2026
• Num dal software: AGOV.Access.App
• Lieu: catalog OSS https://www.opensource.admin.ch

4. AGOV Counter

Quest modul pussibilitescha als chantuns d’endatar en AGOV ils resultats da la verificaziun d’identitad, tipicamain en il rom da controllas da documents al spurtegl.

• Stato: Sarà pubblicato entro fine 2026
• Num dal software: AGOV.Counter
• Lieu: catalog OSS https://www.opensource.admin.ch

5. AGOV View

Quest modul pussibilitescha a las organisaziuns da support da consultar il status dals contos d’utilisaders AGOV.

• Stato: Sarà pubblicato entro fine 2026
• Num dal software: AGOV.View
• Lieu: catalog OSS https://www.opensource.admin.ch

6. AGOV Verifier

Quest modul collià AGOV cun l’ecosistem e-ID.

• Stato: Sarà pubblicato entro fine 2026
• Num dal software: AGOV.Verifier
• Lieu: catalog OSS https://www.opensource.admin.ch

7. Formular da ticket self-service AGOV

Quest modul pussibilitescha als utilisaders finals d’avrir in ticket da support en self-service. Il code da funtauna vegn publicà fin la fin dal 2026, senza il sistem da gestiun da tickets davosvart «Halo ITSM» (betg proprietad da la Confederaziun Svizra).

• Stato: Sarà pubblicato entro fine 2026
• Num dal software: AGOV.Self.Service.Ticketformular
• Lieu: catalog OSS https://www.opensource.admin.ch

8. Sistems circumdants AGOV

Ils sistems circumdants AGOV ZAS, CH e-ID, A-Post, BmID sco er il multi-adapter per ID proofing na fan betg part da la publicaziun dal code da funtauna dal project AGOV. Quai perquai ch’els na vegnan betg administrads da la Chanzlia federala (ZAS e CH e-ID) u ch’els represchentan servetschs dal sectur privat (tuts ils auters sistems).

9. Sistems da destinaziun AGOV

Ils sistems da destinaziun AGOV èn uschenumnadas «relying parties» colliadas cun AGOV per retrair servetschs d’autentificaziun, per exempel portals chantunals per inoltrar decleraziuns da taglia. Quels na fan natiralmain betg part da la publicaziun dal code da funtauna dal project AGOV.