Vossa preparaziun per ils AGOV Business Accounts
Durant l’onn 2027 introducescha AGOV ils Business Accounts.
Vus pudais utilisar AGOV vinavant sco fin ussa. Gia oz pudais Vus dentant As preparar sin ils Business Accounts:
- Vossas fatschentas administrativas electronicas privatas
Utilisai per quai in sulet conto AGOV e depositai en quel Vossa adressa dad e-mail privata che Vus vulais utilisar a lunga vista. - Vossas fatschentas administrativas electronicas professiunalas
Utilisai per quai in conto AGOV separà per mintga interpresa u organisaziun e depositai en quel Vossa adressa dad e-mail professiunala persunala attribuida a Vus tar questa interpresa u organisaziun.
Durant l’onn 2027 pudais Vus declerar sut agov.ch/me il conto AGOV utilisà per las fatschentas administrativas electronicas professiunalas sco Business Account. Ulteriuras infurmaziuns chattais Vus sut agov.ch/biz.
Sche Vus liquidais fatschentas administrativas electronicas en num d’ina autra organisaziun – per exempel per ina societad da musica u da sport –, utilisai er per quai in conto AGOV separà che Vus pudais pli tard declerar sco Business Account.