Utilisai mo paginas d'internet fidablas per codes QR
Context
Sche Vus accedais a ina vera applicaziun d’e-government da la Confederaziun u dals chantuns (p.ex. https://mein.ar.ch), manarà il login adina a la vera pagina da login d’AGOV.
L'adressa sto constar exactamain. Guardai er il chapitel «Uschia pudais Vus As proteger» sutvart sin questa pagina.
Sche Vus avris in'applicaziun dad e-government falsifitgada, As po quella manar sin ina pagina da login dad AGOV falsifitgada. Là na dastgais Vus BETG scannar il code QR. Uschia impedis Vus ad uras l'emprova d'engion.
La via ad applicaziuns dad e-government falsifitgadas maina per il solit sur e-mails da phishing. En e-mails duessas Vus perquai mo cliccar sin links fidabels. Fidabel vul dir che Vus enconuschais la speditura u il speditur, cumbain ch'er quella u quel po esser falsifitgada. Cunzunt duess il e-mail esser plausibel per Vus en ses context.
Mintga e-mail po esser in e-mail da phishing. Damai che blers e-mails da phishing vegnan entant scrits dad IA, na pon ins betg pli sa fidar dal criteri d'ina lingua manglusa u plain sbagls.
Perquai èsi adina meglier da tippar sez l'adressa d'internet da l'applicaziun dad e-government giavischada en la lingia d'adressa da Voss browser d'internet u d'activar ella cun agid da Voss segnapaginas. Utilisai l'adressa che Vus enconuschais e ch'è damai correcta.
Uschia pudais Vus As proteger
In'ensaina segira per ina pagina da phishing è l'adressa falsifitgada. Suenter che Vus avais inizià la procedura da login, vesais Vus la pagina dad AGOV. Sche Vus vesais en la lingia d'adressa in'autra domena che admin.ch, na dastgais Vus betg far in scan dal code QR.
En la lingia d'adressa pudessas Vus per exempel vesair las suandantas endataziuns che han ina tscherta sumeglientscha cun l'adressa correcta:
